Пятница, 27.05.2022

                                             E-mail: Cherkscool_ytyk@mail.ru     Тел: 8-411-52-25-515  Адрес: 678661, Таттинский улус, с. Черкех ул. Ойунского, 92/3
ГЛАВНАЯ РегистрацияВход
Приветствую Вас, Гость
СВЕДЕНИЯ об ОО
О ШКОЛЕ
Д.О.
ЕГЭ/ОГЭ 2022
9
 
Главная » 2022 » Февраль » 1 » Саха саргыта салалларыгар үлэлээбит үтүө дьоммутун ааттаан
11:22
Саха саргыта салалларыгар үлэлээбит үтүө дьоммутун ааттаан

Саха саргыта салалларыгар үлэлээбит үтүө дьоммутун ааттаан


 

Быйыл Өрөспүүбүлүкэ  төрүттэммитэ 100 сылын көрсө П.А.Ойуунускай аатынан оскуола Чөркөөх орто оскуолата   уонна П.А.Ойуунускай аатынан Судаарыстыбаннас түмэлэ  «Они стояли у истоков» диэн ааттаах үүнэн иһэр эдэр көлүөнэҕэ гражданскай-патриотическай иитиигэ туһуланар бырайыак сүнньүнэн бииргэ улэлиир былааннаахпыт.

Бу бырайыагы былааннааьынна Чөркөөх орто оскуолатын учуутала Кашкина Э.Х. салайааччылаах гуманитарнай предметтэри уерэтэр  методическэй холбоьук учууталлара киирбит идеяны ейеен,  биир субэнэн улэлэстилэр.

Бырайыак үөрүүлээх аһыллыыта, билиҥҥи хааччах кэмигэр түбэһэн,  ZOOM нөҥүө   буолла. Манна Чөркөөх орто оскуолатын директора С.В.Сунхалыров, бырайыак сүрүн автора, СӨ үтүөлээх учуутала Э.Х.Кашкина, П.А.Ойуунускай аатынан Судаарыстыбаннас музейын сэбиэдиссэйэ М.Г. Аржаков, Үөһээ Бүлүү 1-кы нүөмэрдээх орто оскуолатын директора А.В.Захаров, Ис.Барахов аатынан Судаарыстыбаннас түмэлин сэбиэдиссэйэ С.Д.Копыленко, Нам Хатырыгын орто оскуолатын директора  П.П.Тимофеев, таатта улууьун баһылыгын солбуйааччыта А.Г.Гуляева, улуус депутаттарын мунньаҕын сэбиэтин председателя Г.А.Охотин кыттыыны ыллылар.  Бырайыакка сүрүннээн Саха сиригэр Автономияны олохтооһуҥҥа инники күөҥҥэ сылдьыбыт Былатыан  Ойуунускай, Максим Аммосов, Исидор Барахов аатын сүгэр Судаарыстыбаннас музейдара уонна кинилэр ааттарынан Нам Хатырыгын, Һөһээ Бүлүү 1-кы №-дээх, Чөркөөх  орто оскуолаларын  7 – 11 кылааһын үөрэнээччилэрэ хабыллыахтара. 

Ол курдук, олунньу ыйтан саҕалаан анал былаанынан араас тэрээһиннэр куйаар ситимин нөҥүө ыытыллыахтара. Үөрэнээччилэр куйаар ситимин нөҥүө философскай наука кандидата Е.Г.Винокуров, гуманитарнай институт научнай сотруднига Е.П.Антонов, СӨ Духуобунас  Академиятын бочуоттаах академига Е.С.Шишигин, биллиилээх суруналыыс, ХИФУ суруналыыстыка салаатын декана О.Г.Сидоров уо.д.а.     лекцияларын истиэхтэрэ, араатар искусствотыгар СӨ үтүөлээх артыыһа, суруйааччы, П.А.Ойуунускай  аатынан Государственнай бириэмийэ  лауреата Е.В.Слепцова-Куорсуннаахтан маастар-кылаас ылыахтара. Маны тэҥэ  өйтөн суруйууга, Платон Алексеевич айымньыларыттан  «Тыыннаах классика» ааҕыыта, улуу биир дойдулаахтарын курдук дьону өрүкүтэр араатар куонкуруһугар уо.д.а.   күөн көрсүөхтэрэ. Үөһээ Бүлүү 1-кы №-дээх орто оскуолата математика олимпиадатын киллэриэххэ диэн эбии эттилэр. Ити курдук бырайыакка  эбии  түһүмэхтэр саҥардыллан  киирэн иһиэхтэрэ. 

Сайыҥҥы өттүгэр Таатта эбэни сыттана сытан,  дойду үрдүнэн аатырар  аһаҕас халлаан анныгар турар политссыылка, Судаарыстыбаннас музейдара баар кырдьаҕас Чөркөөх оскуолатын базатыгар баар «Сардаана» лааҕырыгар  «Эдэр политолог» сезонун үлэлэтэргэ диэн этии киирдэ.

Олох сокуонунан көлүөнэ солбуйсуо, ол эрээри Өрөспүүбүлүкэ олохтонуутугар, судаарыстыбаннастаах буолууга бүүс бүтүннүү  олохторун анаабыт, төлөннөөх сүрэхтэрин  биэрбит саха өркөн өйдөөхтөрүн үтүө ааттара  үйэ-саас тухары кэпсэнэ турарыгар баҕарабыт.

Просмотров: 71 | Добавил: GM | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Copyright GM © 2022