Четверг, 16.07.2020

                                             E-mail: Cherkscool_ytyk@mail.ru     Тел: 8-411-52-25-515  Адрес: 678661, Таттинский улус, с. Черкех ул. Ойунского, 92/3
ГЛАВНАЯ РегистрацияВход
Приветствую Вас, Гость
СВЕДЕНИЯ об ОУ
О школе
Дист. Обуч-е 2020
ГИА, ЕГЭ 2019
9
 
Главная » 2020 » Июнь » 3 » "Тиһэх чуораан-2020" Онлайн
11:38
"Тиһэх чуораан-2020" Онлайн

Выпускник-2020


Бэс ыйын 1 күнүгэр П.А. Ойуунускай аатынан Чөркөөх орто оскуолатыгар «Тиһэх чуораан» үөрүүлээх күнэ буолан ааста. 
Быйыл Ф.Е. Баева салайааччылаах 4 кылааһы 14 оҕо бүтэрдэ (6 кыыс, 8 уол), 9 кылааһы 12 (6 кыыс, 6 уол) үөрэнээччи бүтэрдэ, кылаас салайааччыта физкультура учуутала Никитина А.А. Быйылгы выпуск оскуола историятыгар киирэр оҕолор.
Саҥа таас оскуоланы толору үөрэнэн бүтэрдилэр.
11 сыллааҕыта СР президенэ В.А.Штырову кытта оскуола кыһыл лиэнтэтин быспыттара. Саҥа аныгылыы типтээх оскуола боруогун атыллаан маҥнайгы кылаас үөрэнээччилэрэ буолбуттара. 11 кылааһы 9 буолан бутэрдилэр. Кылаас салайааччыта Неустроева Валерия Петровна, нуучча тылын уонна литературатын учуутала. 5 ньургун уолаттар, 4 кыталык кыргыттар, бары талбыт курдук үөрэх бастыҥнара, научнай-практическай конференциялар призердара, кэскиллээх спортсменнар, тобулла5ас өйдөөх, олоххо көхтөөх сыһыаннаах, билиигэ-көрүүгэ тардыһыылаах кылаас. Араас хайысханан бэйэлэрин сайыннарар, инникигэ дьулуһар оҕолор. Быйылгы «Тиһэх чуораан» ZOOM нөҥүө онлайн режимҥэ ыытылынна. 
Оскуоланы бүтэрэр оҕолорбутун нэһилиэкпит баһылыга Семенов А.П., оскуолабыт дириэктэрэ Максимов Д.Д., дириэктэри үөрэх чааһыгар солбуйааччы Оконешникова М.Д., ытыктыыр ветеран учууталларбыт – «Утум» педагогическай түмсүү, Оскуолабытын 50 сыл анараа өттүгэр бүтэрбит "Кыһыл көмүс" выпустар ааттарыттан СР үтүөлээх учуутала, СР үөрэҕириитин туйгуна Легусина РЕ, оскуолабыт эдэр специалистарын аатыттан Степанова А.М., выпускниктарбыт убаастыыр иитээччилэрэ Обудова Л.И., Охотина А.Г., Охотина З.К., ааҕа-суруйа үөрэппит бастакы учууталлара Халгаева Л.И., быйылгы алын сүһүөҕү бүтэрэр 4 кылаас үөрэнээччилэрэ, орто сүһүөххэ үөрэтэн-такайан илдьэ сылдьыбыт кылаас салайааччыта Габышева М.А., сырдыкка сирдиир, үтүөҕэ такайар кылаас салайааччыта Неустроева В.П., 9 кылаас төрөппүттэрин аатыттан Андреева Л.М., 11 кылаас төрөппүттэрин аатыттан Ноговицына У.П. бэйэлэрин эҕэрдэлэрин видео-конференция нөҥүө тиэртилэр.  Оҕолорбут истиҥ эҕэрдэлэри көрдүлэр, иһиттилэр. Күн устата куйаар ситиминэн оҕолорбутугар элбэх истиҥ тыл, баҕа санаа этилиннэ. 


Улуус баһылыгын,  Соров М.М. бочуоттаах грамотатынан на5араадаланнылар: Халгаева Күннэй, Ноговицына Настя, Баев Миша. 
Нэһилиэк баһылыгын,  Семенов А.П. грамотатынан наҕараадаланнылар: Аржаков Дима, Охотин Егор, Эверстова Юрьяна, Петров Эрчимэн.
Улуустааҕы үөрэх управлениетын начальнигын, Миронова А.Н. грамотатынан на5араадаланнылар: Халгаева Күннэй, Ноговицына Настя, Слепцова Мариника, Эверстова Юрьяна, Баев Миша, Охотин Егор, Петров Эрчимэн.
Улуустааҕы И.Г. Федосеев аатынан оҕо спортивнай оскуолатын директорын, Н.М.Сабарайкин грамотатынан наҕараадаланна Семенов Сергей.
Саха Ѳрөспүүбүлүкэтин экологияҕа, айылҕаны туһаныыга уонна ойуур хаһаайыстыбатыгар министиэристибэтин грамотатынан на5араадаланна Петров Эрчимэн.
Сылын аайы выпускниктарга үөрэх дьылын түмүгүнэн, киэн туттар  биир дойдулаахтарбыт, оҕолоро араас анал стипендияны туттарар буолбуттара үтүө үгэскэ кубулуйда. 
Үөрэхтээһин эйгэтигэр ураты суолу хаалларбыт, саҥалыы көрүүлээх Чөркөөх оскуолатыгар дириэктэринэн үлэлээбит, Саха республикатын үөрэҕириитин туйгуна, РФ уопсай үөрэхтээҺиҥҥэ уонна наукаҕа бочуоттаах үлэҺитэ,  ахтар саныыр дириэктэрбит Алексей Петрович Саввин аатын үйэтитэр стипендияны төрөппүттэрэ, кэргэнэ, оҕолоро бастыҥ үөрэхтээх, үөрэнээччилэр түмсүүлэрин салайааччытыгар анаатылар. Быйылгы стипендияны үгүс күрэхтэр, олимпиадалар кыайыылаахтара, спорт хас да көрүҥүн призера, «ВЕГА» военнай-патриотическай кулууп, «Былатыан сиэннэрэ» оҕо хамсааҺынын биир көхтөөх чилиэнэ, 2018 сылтан оскуолабыт президенэ Баев Миша тутан олус үөрдэ.
Чөркөөх оскуолатын выпускнига, Чөркөөхтөөҕү музей директорынан үлэлээбит Афанасий Тимофеевич Аржаков аатынан стипендияны кэргэнэ Аржакова А.П. уонна о5олоро, математика, информатика хайысхатыгар бастыҥ көрдөрүүлээх оҕоҕо анаатылар. Быйылгы стипендияны туйгун үөрэнээччигэ, араас таҺымнаах олимпиадалар, күрэхтэр хас да төгүллээх кыайыылаа5ар, «Финансы и экономика» ахсыс Республиканскай телевизионнай олимпиада кыайыылаа5ар, улуустааҕы математика чемпионатын 2 миэстэ хаһаайкатыгар, Республикатааҕы математикаҕа кэтэхтэн олимпиада призерыгар, «ВЕГА» военнай патриотическай кулууп, «Былатыан сиэннэрэ» оҕо хамсааһынын  көхтөөх чилиэнигэр Ноговицына Настя5а анаатылар.
Егор Егорович, Надежда Павловна Жерготовтар, сылын аайы гуманитарнай хайысхаҕа элбэх ситиһиилээх, үрдүк көрдөрүүлээх оҕоҕо, бэйэлэрин  стипендияларын аныыллар. Быйылгы стипендияны туйгун үөрэнээччигэ, Россия үрдүнэн ыытыллар история, обществознание олимпиадаларын муниципальнай этабын кыайыылаа5ар, хотугулуу-илиҥҥи обществознанияҕа олимпиада призерыгар, «Юный исследователь» улуустааҕы НПК призерыгар, Ил Дархан саҥа дьыллааҕы елкатын ыҥырыылаах кыттааччытыгар, саахымакка улуус, Республика, регион  хас да төгүллээх кыайыылааҕар Халгаева Күннэйгэ анаатылар.
Саха республикатын үөрэ5ириитин туйгуна, уһун сыллар устата оскуолабытыгар история, обществозния учууталынан үлэлээбит, инновационнай хамсааһын са5алааччыларыттан биирдэстэрэ, «Дойду» историческай кулууп салайааччыта Филатова Полина Дмитриевна аатынан стипендияны, сылын ахсын үөрэппит кылааһын оҕолоро, оскуола бастыҥ историк оҕотугар аныыллар. Быйылгы стипендияны биир бастыҥ историкпытыгар, туйгун үөрэнээччибитигэр Халгаева Күннэйгэ туттардылар.
"Утум" педагогическай үлэ ветераннарын общественнай түмсүүтэ (салайааччы Кычкина П.Ф. РФ уопсай үөрэхтээһиҥҥэ уонна наукаҕа бочуоттаах үлэһитэ, СР үөрэҕириитин туйгуна)  «Сыл бастыҥ үөрэнээччитэ" анал ааттаах стипендияларын улууска, республика шахмакка үрдүк көрдөрүүлээх, "ВЕГА" военнай патриотическай кулууп, "Былатыан сиэннэрэ" оҕо хамсааһына көхтөөх чилиэнигэр Аржаков Димаҕа туттардылар.


Оскуолабытын 50 сыл анараа өттүгэр бүтэрбит "Кыһыл көмүс" выпусктар ааттарыттан Легусина РЕ СР үтүөлээх учуутала, СР үөрэҕириитин туйгуна выпускниктарга бэйэтин эҕэрдэтин тиэртэ уонна туйгун үөрэнээччигэ Ноговицына Настяҕа стипендияны туттарда.
Быйыл оскуолабыт эдэр специалистара иккис сылын биэрэр, бэйэлэрин анал стипендияларын, үчүгэй үөрэнэччигэ, «Бастыҥтан бастыҥ суруксут» анал аат хаһаайкатыгар, улуустааҕы интеллектуальнай оонньуу «Лучший командир», «ВЕГА» военнай патриотическай кулуупка «Бастыҥ армеец» анал ааттар хаһаайкаларыгар, «Снежный барс» военнай патриотическай күрэх хас да төгүллээх кыттыылаа5ар Слепцова Мариникаҕа анаатылар.
Тиһэх чуорааны чугдаардар чиэс оскуолабыт выпускниктарыгар барыларыгар тигистэ. О5олорбут учууталларыгар, оскуола коллективыгар, төрөппүттэригэр махтал тылларын эттилэр. Үөрэммит оскуолаларыгар кулер бэлэх биэрдилэр. «Оскуолам» диэн ырыанан эҕэрдэлэрин тиэртилэр. 
«Тиһэх чуораан» үөрүүлээх бырааһынньыгынан үөрэппит учууталлара видеоролик уһулан бэйэлэрин эҕэрдэлэрин тиэртилэр. 
Ол кэнниттэн видео конференциянан бастакы учууталлара, Людмила Ивановна,  бүтэһик уруоктарын ыытта. Оҕолор төһө да дьиэлэриттэн олорон үөрэннэллэр, ааспыт кыра саастарын санаан, оҕо эрдэҕинээҕи араас оҥоһуктарын, өйтөн суруйууларын, уруһуйдарын хаартыскаларын көрөн үөрдүлэр-көттүлэр. Бастакы кылааска киириилэрин, кыра эрдэҕинээҕилэрин санаатылар. 
Онтон «Тиһэх чуораан» күнүнэн кылаас салайааччылара уонна  администрация киэргэтиллибит  массыналарынан выпускниктарбытыгар эҕэрдэлэрин, бэлэхтэрин илдьэн туттардыбыт. Хас биирдии оскуоланы бүтэрэн барар оҕолорбут төрөппүттэрин тэрилтэлэрэ бэлэх оҥордулар. Ону тэҥэ оскуолабыт профкома, бииргэ үлэлиир коллегаларбыт оҕолоругар уонна кылаас салайааччыларыгар бэйэлэрин бэлэхтэрин туттардылар.
Бу курдук оскуолабыт өссө биир көлүөнэ үөрэнээччилэрэ олох киэҥ суолугар бар дьоннорун алгыстарынан атаарылыннылар. 
Күндү оҕолорбут, дьоҥҥутун-сэргэҕитин, үөрэммит оскуолаҕытын, төрөөбүт дойдугутун киэҥ сиргэ ааттатар дьоһун дьон буоларгытыгар баҕарабыт!

Фото онлайн выпускного тут

Просмотров: 33 | Добавил: GM | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Copyright GM © 2020