Вторник, 19.02.2019

                                             E-mail: Cherkscool_ytyk@mail.ru     Тел: 8-411-52-25-515  Адрес: 678661, Таттинский улус, с. Черкех ул. Ойунского, 92/3
ГЛАВНАЯ РегистрацияВход
Приветствую Вас, Гость
9
СВЕДЕНИЯ ОУ
О школе
ГИА, ЕГЭ 2019
 
Главная » 2019 » Январь » 25 » Семинар для учителей родного языка и библиотекарей улуса
11:49
Семинар для учителей родного языка и библиотекарей улуса

Омук күүһэ-өйүгэр, өйүн күүһэ-тылыгар


Тохсунньу 18 күнүгэр П.А. Ойуунускай аатынан Чөркөөх орто оскуолатын коллектива "Омук күүһэ-өйүгэр, өйүн күүһэ-тылыгар" диэн В.Н.Протодьяконов бэргэн этиитин туһаайыы оҥостон, сылы эргиччи үлэлиир "Сардаана" лааҕырбыт кыаҕын арыйарга санаа үллэстэр түһүлгэни төрүттээтибит. Бу тэрээһиммитигэр улуус оскуолаларын саха тылын уонна литературатын, төрүт культура учууталлара, библиотекардар кыттыыны ыллылар.

Ханнык да хайысхалаах, кэмнээх тыа сирин оскуолата (лааҕыра) бэйэтин үтүө үгэстэригэр олоҕурдаҕына, ийэ тылынан иитилиннэҕинэ эрэ атын культураны кытта  алтыһара ситиһиилэнэр.

Билиҥҥи тэтимнээх ситимнээх, сибээс үйэтигэр ийэ тылбыт туттуллуута кэмчитийэр кэмэ хас биирдии саха киһитигэр дьиксиниини үөскэтэр. Оттон ыччат дьон, ордук оҕо-аймах, бу аймалҕаны аахайбакка хайдах баарынан ылынар. Ситим эйгэтигэр ханнык тыл, көстүү, оонньуу аралдьытар ухханнарыгар оҕустарыан сөп.

Семинар кыттыылаахтара түөрт бөлөххө наарданан лааҕыр ис тыынын торумнаатыбыт, хайысхаларга этиилэри  киллэрдибит:

1. Хас биирдии сезоҥҥа хайысхатыттан тутулуга суох сарсыарда аайы оҕоҕо туһаайыллыбыт АЛГЫҺЫ эттэрэргэ, олоҥхо олуктарын ааҕалларын ситиһэргэ, чабырҕах нөҥүө тыыныыга эрчийэн, тыл гимнастикатын ыытарга.

2. Хас биирдии ый уратыларын болҕомтоҕо ыларга (ый сүрүн дьарыгын билиһиннэрии, сатабылга уһуйуу, бу ыйга төрөөбүт улууспут саарыннарын билии, кинилэр олохторун үөрэтэн холобур оҥостуу...)

3. Сылы эргиччи үлэлиир оскуола программатын үөрэх тиһигин курдук кэлимник көрөн, үөрэнээччи тургутук сессияны ситиһиилээхтик ааһан, талан ылбыт тематын комиссия иннигэр көмүскээн бу оскуоланы бүтэрбитин туоһулуур докумуоннаах буоларын ситиһэргэ

4. Оскуолаларынан хардарыта сибээстэри олохтоон, десаннарынан ыллыктары бэлэмнииргэ, талан ылбыт темаларынан араас таһымнаах тэрээһиннэргэ кытыннаран оҕо сайдыытын кэтээн, бэлиэтээн иһэргэ

Семинар иккис аҥарыгар, Чөркөөх оскуолатын  үөрэнээччилэрэ САТАБЫЛГА дьарыктары ыыттылар. Оҕо уһуйуллар сатабылын сатаан туһанара эрэ буолбакка, санаатын толору этэрэ, дьону кытта кэпсэтиигэ киирэрэ, алтыһара сүрүн болҕомтону ылла.

Түмүктүүр чаас үөрэнээччилэр, учууталлар, ыалдьыттар кыттыылаах инникини торумнуур санаа атастаһыытыгар ананна.

Үөрэнээччилэр лааҕырга кэлэр оҕолору кытары дьарык ситимигэр алтыһарга бэлэмнэрин эттилэр. Учууталлар нэһилиэк оскуолаларыттан баҕалаах оҕолору ыытарга, сибээһи олохтуурга, хардарыта алтыһарга резолюция ылыннылар.

"Сайдыы - тастан дьайыы көмөтүнэн эрэ оҥоһуллубат, ис туруктан, кыахтан тутулуктаах. Саха бэйэтин тылынан төһө баҕарар сайдар кыахтаах"- биһиги киэн туттар Ытык киһибит В.Н. Протодьяконов бөлүһүөктүү бэргэн этиитэ биһиги сылы эргиччи үлэлиир "Сардаана" лааҕырбыт ис кыаҕын арыйарга сүрүн тосхолбутунан буолар.

 

Просмотров: 27 | Добавил: GM | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Copyright GM © 2019