Понедельник, 06.12.2021

                                             E-mail: Cherkscool_ytyk@mail.ru     Тел: 8-411-52-25-515  Адрес: 678661, Таттинский улус, с. Черкех ул. Ойунского, 92/3
ГЛАВНАЯ РегистрацияВход
Приветствую Вас, Гость
СВЕДЕНИЯ об ОО
СВЕДЕНИЯ об ОО
СВЕДЕНИЯ об ОО
СВЕДЕНИЯ об ОО
9
 
Главная » 2021 » Октябрь » 26 » Саввин Алексей Петрович 50 сааһыгар аналлаах тэрээһин нэдиэлэтэ арыллыыта
20:31
Саввин Алексей Петрович 50 сааһыгар аналлаах тэрээһин нэдиэлэтэ арыллыыта

Алексей Петрович Саввин Билиигэ ньымалара.
Биирдиилээн уһуйан иитии - үөрэтии (Кэриэн - Уһуйуу Технология) ааспыт уонна билиҥҥи кэмнэргэ уратылаах дуо?


П.А. Ойуунускай аатынан Чөркөөх орто оскуолатын выпускнига, саха тылын уонна литературатын учууталынан, Таатта улууһун үөрэҕин управлениетыгар начальнигы солбуйааччынан, Чөркөөх орто оскуолатын директорынан таһаарыылаахтык үлэлээбит, республика үөрэҕириитин эйгэтигэр умнуллубат суолу хаалларбыт, ураты иэйиилээх хоһооннордоох, "Араҥас сулус" литературнай түмсүү чилиэнэ,  СР үөрэҕириитин туйгуна, РФ уопсай үөрэхтээһинин уонна наукатын бочуоттаах үлэһитэ Алексей Петрович Саввин төрөөбүтэ 50 сылын чэрчитинэн zoom нөҥүө ыытыллыбыт "Алексей Петрович Саввин Билиигэ айанын ньымалара" аһаҕас кэпсэтии элбэх истээччилэри, кыттааччылары түмтэ. Аһаҕас кэпсэтии сүрүн сыалынан билиҥҥи хааччахтааһын кэмигэр дистанционнай үөрэх сатабылга уһуйар кыаҕын хайдах арыйабыт диэн үөскээбит кыһалҕаны быһаарарга холонуу буолла.
 

Алексей Петрович үөрэхтээһин эйгэтигэр учуутал, салайааччы быһыытынан сүрүн ирдэбилэ үөрэнээччини Билиигэ сэҥээрдии,  Үөрэх ситимигэр угуйан киллэрии буолара. Бу ылбычча кыаллыбат соругу толорууга араас ньымалары тобулуу, туһаныы кэнниттэн табыгастааҕа буолсу диэбит ньымаларын үллэстэр буолара. 
 

Ол курдук: "Учуутал уруогар моһоллору сөпкө туруоруута", "Үөрэнээччи Билиигэ айанын тус тэриниитин көҕүлээһин", "Соһутар ньымалары таба туһаныы", "Оҕону хааччахтан таһааран кынаты үүннэрии", "Сатабылга уһуйуу - олох оскуолатын арыйыы", "Үөрэнээччилэри үөрэх дьарыгар көөчүктээһин", "Биир экспонаттан идэҕэ тайаныы", "Ыллыктан Аартыкка тахсыы" үөрэх аһаҕас эйгэтин тэрийиигэ тобулбут ньымаларын быһыытынан ааттыахпытын сөп.
 

Кинини кытта алтыспыт, үөрэхтээһин сайдыытыгар сахалыы төрүт толкуйбут тутула үөрэх эйгэтин дьарыктарыгар ньыма быһыытынан "Кэриэн - Уһуйуу - Технология" олоххо киириитигэр үлэлэспит коллегалара, учууталлара Алексей Петрович туһунан истиҥник аҕыннылар, уһуйуу үгэстэрэ билиҥҥи да кэмҥэ ОҔО баҕатын күөттээн, сайыннаран Билиигэ айаныгар түмүгү бэйэтэ ситиһэригэр кыаҕы арыйар диэн санааҕа кэллибит. Кэпсэтиигэ куйаар ситимин нөҥүө үөрэтии - иитии тирээн турар кыһалҕаларын быһаарыыга холонууга элбэх киһи санаатын үллэһиннэ, сэҥээрдэ.

Просмотров: 63 | Добавил: GM | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Copyright GM © 2021