Вторник, 11.12.2018

                                             E-mail: Cherkscool_ytyk@mail.ru     Тел: 8-411-52-25-515  Адрес: 678661, Таттинский улус, с. Черкех ул. Ойунского, 92/3
ГЛАВНАЯ РегистрацияВход
Приветствую Вас, Гость
СВЕДЕНИЯ ОУ
О школе
ГИА, ЕГЭ 2018
 
Главная » 2017 » Февраль » 13 » Ийэ тыл, сурук-бичик күнэ
18:51
Ийэ тыл, сурук-бичик күнэ

Ийэ тыл, сурук-бичик күнүнэн!

       Бүгүн Саха норуотугар биир бэлиэ күн. Бүгүн биһиги эппитигэр-хааммытыгар иҥэриллэ сылдьар, ийэбит үүтүн кытта бэриллибит сахалыы Ийэ тылбыт төрөөбүт күнэ! Тоҕо? - диэххит арай. Тоҕо бу олунньу ый 13 күнэ – Ийэ тыл күнэ буоларый? Тоҕо диэтэр, бу күҥҥэ сахабыт сирин биир уһулуччулаах киһитэ, тыл сүөгэйин-сүмэтин байыппыт, сахалыы тылы сурукка-бичиккэ тиспит, бастакы алпаабыты суруйбут Семен Андреевич Новгородов күн сирин көрбүтэ. Манна даҕатан эттэххэ бы 2017 сылга кини 125 сааһын туолар. Онтон кини саха оҕотугар, үөрэнээччитигэр анаан 1917 сыллаахха суруйбут «Букубаар» кинигэтэ бу күһүн балаҕан ыйыгар сүүс сылын туолар. Кини оҥорбут үтүмэннээх элбэх үлэтэ-дьыалата сахабыт тыла, култуурата инникилээх буоларыгар олук буолбута.

       Саас кэлэн иһэрэ улам-улам биллэн, сарсыардаттан эйэҕэс күммүт сандаарыччы тыган сарсыарда оҕолор бары оскуолаларыгар бардылар. Бүгүн Саха сирин үрдүнэн ыытыллар бырааһынньык торумунан П.А. Ойуунускай аатынан Чөркөөх орто оскуолатын үөрэнээччилэрэ, учууталлара сахалыы таҥастаах, хомустаах о.э. сахалыы атрибуттаах кэлбиппит. Онтон үөрэх чааһын кэмигэр учууталларбыт бүгүҥҥү күн суолтатын кэпсээбиттэрэ, саха тылын туһунан иһирэх кэпсэтиилэри ыыппыттара. Мин санаабар, ханнык баҕарар саха киһитэ, уопсайынан бүгүҥҥү эрэ күҥҥэ сахабыт тыла сайдыахтаах, саха тыла туругурдун диэ суохтаах. Кини хас күн ахсын ону билиэхтээх, төрөөбүт тылын дьылҕатын билэ-көрө сылдьыахтаах.

     Онтон дьэ биһиэхэ оскуола оҕолоругар анаан Чөркөөхтөөҕү театр режиссера Мотрена Петровна Яковлева алгыс сиэрин-туомун ыытта. Салҕыы саха сирин үрдүнэн ыытыллар хомус флешмоба буолла. Бары дьикти кэрэ айылҕа алыптаах ырыатын таһааран, дьүрүскэннээх хомус тыаһа чугдаарыйарын истэммин дууһам долгуйбута. Онтон оһуохайдаан дьиэрэһитэн, эһиэкэйдээн эйээрэн сүргэбит көтөҕүллүбүтэ. Бу үөрүүлээх тэрээһиммитигэр бары бүттүүн оскуоланан хаартыскаҕа үйэтитиллэн баран, салҕыы Чөркөөхтөөҕү политссылка түмэлин үлэһиттэрин сүрдээх интэриэһинэй кэпсээннэрин истибиппит, элбэх саҥаны көрбүппүт, билбиппит.

     Сахам сирин олохтоохторун барыгытын бүгүҥҥү омук быһыытынан сыаналанар күммүтүнэн итиитик-истиҥник эҕэрдэлиибин! Улуу дьоммут, айар тыл аҕалара биһиэхэ иҥэрбит, сахабыт тылын туругурпут чиэстэрин түһэн биэрбэккэ тылбытын-өспүтүн харыстыаххайыҥ! Саха буолан сандаарыаххайын! Ийэ тыл, сурук-бичик күнүнэн! Омук күүһэ-өйүгэр, өйүн күүһэ тылыгар!

 

Даяна ТОСКИНА

П.А. Ойуунускай аатынан Чөркөөх орто оскуолатын

10 кылааһын үөрэнээччитэ

ФОТОГРАФИИ

 

Просмотров: 219 | Добавил: GM | Рейтинг: 4.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Copyright GM © 2018