Суббота, 17.11.2018

                                             E-mail: Cherkscool_ytyk@mail.ru     Тел: 8-411-52-25-515  Адрес: 678661, Таттинский улус, с. Черкех ул. Ойунского, 92/3
ГЛАВНАЯ РегистрацияВход
Приветствую Вас, Гость
СВЕДЕНИЯ ОУ
О школе
ГИА, ЕГЭ 2018
 
Главная » 2018 » Апрель » 26 » Балаҕан ыйын 27 кунэ - Государственность күнэ
22:21
Балаҕан ыйын 27 кунэ - Государственность күнэ

Балаҕан ыйын 27 кунэ - Сахабыт сиригэр олох саҥа саҕахтары арыйбыт, сайдар суолун төрдүттэн уларыппыт государственнай суверенитет туһунан Декларацияны ылыыныы күнэ буолар


Бүгүн үөрүүлээх күн! Бүгүн өрөгөйдөөх күн!
Сылын ахсын Саха саарыннарын биһигэр ытык Чөркөөх нэһилиэгэр тэриллэр "Өрөспүүбүлүкэ күнэ" тосхойдо!
Быйыл Саха Автономнай республикатын төрүттээччилэртэн биирдэстэрэ Платон Алексеевич Ойуунускай 125 сылын туолар үбүлүөйдээх сылыгар даҕатан тэрээһин өрө күүрүүлээх митинг быһыытынан ааста.


Ыҥырыылаах ыалдьытынан биир дойдулаахпыт А.П Дьячковскай, Таатта улууһун Аҕа баһылыга М.М. Соров, Ил Түмэн депутата, коммунистар партияларын Саха сиринээҕи салайааччыта В.П. Губарев о.д.а. бүгүҥҥү күн үөрүүтүн норуоттарын кытта үллэстэн, ил-эйэ санаата үйэлэргэ барҕара турара, сайдыы суолун тобуларбыт тоҕоостооҕун ыйдылар, долгуйан туран улуу дьону иитэн таһаарбыт ытык сиргэ кэлэн туралларын бэлиэтээн тыл эттилэр.

Бэйэлэрин эҕэрдэлэринэн "Иэйии" нэһилиэк айар куттаах дьонун тумсуутэ Былатыан Ойуунускайга анабыл хоһооннорун этэн бар дьон биһирэбилин ыллылар.

Ол курдук хаһан баҕар кыһамньылаах, дьаныардаах, дьулуурдаах үлэ мээнэ сыаналаммакка хаалбат. Култуура үтүөлээх улэһитэ үрдүк ааты Чөркөөхтөөҕү мемориальнай музей научнай үлэһитэ, биһиги П.А. Ойуунускай аатынан Чөркөөх орто оскуолатын кытта ыкса үлэлэһэр ытык киһибит Изабелла Яковлевна Жерготова ылбытынан эҕэрдэ эриэккэһин этэбит!


Нэһилиэкпит тарбаҕар талааннаах ырыаһыт үҥкүүһүт, актыыбынай көрүүлээх эбээлэрбит түмсүүлэрин чилиэттэрэ Саха правительствотын бочуоттаах бэлиэтинэн наҕараадаланнылар! Ытык дьоммутугар баҕарыа этибит инникитин өссө даҕаны кэнчээри ыччаты кытта ситимҥитин быспакка, муударай сүбэҕитин биэрэн, чөл туруктаах, сайдам санаалаах сылдьаргытыгар!

Бу курдук сылын ахсын Саха саарыннарын биһигэр ытык Чөркөөххө тэриллэр "Өрөспүүбүлүкэ күнэ" бүтүн норуот өрөгөйө буолан ыччакка дойдуга тапталы иҥэрэр күүһэ уҕараабакка үгэс быһыытынан салҕыы буола турдун! Хаһан баҕар, ханна баҕар улуу убайдарбыт сырдык ааттарын туһэн биэрбэккэ үөрэниэххэ, үүнүөххэ, сайдыахха!

Дом!

Тоскина Даяна, П.А. Ойуунускай аатынан Чөркөөх орто
оскуолатын 11 кылааһын үөрэнээччитэ.

 

Фотографии

Просмотров: 254 | Добавил: GM | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Copyright GM © 2018